छात्रवृत्ति: (Scholarship)

पिण्डेश्वर विद्यापीठमा अध्ययन गर्ने विद्यार्थीहरूले छात्रवृत्ति पाउँछन् । शास्त्री र आचार्य तहको पहिलो वर्षमा भर्ना भएको १÷२ महिनाभित्रै विद्यापीठले छात्रवृत्तिका लागि परीक्षा लिने व्यवस्था छ । उक्त परीक्षामा सफल हुने विद्यार्थीहरूले एक वर्षमा १० महिनाको नगद छात्रवृत्ति पाउँछन् । उक्त छात्रवृत्ति रकम शास्त्री तहका अन्य समूहका छात्रहरूलाई रु. ९००, छात्राहरूलाई १०००, आदिवासी, दलित र जनजाति छात्रलाई रु. १८०० एवम् आदिवासी समूहका छात्रालाई १९०० का दरले प्रतिमहिना प्रदान गर्ने व्यवस्था रहेको छ । त्यस्तै आचार्य तहमा अध्ययनरत अन्य समूहका छात्रलाई मासिक १०००, छात्रालाई ११०० एवम् अन्य समूहका छात्र तथा छात्रालाई शास्त्रीसरह नै प्रदान गर्ने व्यवस्था छ । विद्यार्थीहरूले वार्षिक परीक्षामा एकभन्दा बढी विषय अनुत्तीर्ण गरेमा दोस्रो वर्षदेखि छात्रवृत्ति पाउँदैनन् । लगनशील भई हरेक तह उत्तीर्ण गर्ने विद्यार्थीले निःशुल्क मात्र नभई छात्रवृत्तिसहित आचार्य तहसम्म अध्ययन गर्न पाउँछन् ।