यस विद्यापीठले प्रशासकीय भवनको एउटा कोठामा कम्प्युटर ल्याब स्थापना गरेको छ, जसमा अहिले ५ वटा नेटजडित डेक्सटप कम्प्युटर रहेका छन् । कम्प्युटर सिक्न चाहने, नेटबाट शैक्षणिक सामग्री डाउनलोड गरी प्रयोग गर्न चाहने, शैक्षणिक सामग्री अनलाइन उपयोग गर्न खोज्ने र शोधपत्रको आफै टाइप/टङ्कन गर्न चाहने विद्यार्थीले यसको उपयोग गरिरहेका छन् । यद्यपि अहिले यी कम्प्युटर थोरै भएर विद्यार्थीलाई समस्या भइ रहेको छ र पनि विद्यार्थीले पालै पालो यसको प्रयोग गरेर विद्यापीठलाई सहयोग गरिरहेका छन् । विद्यापीठले भविष्यमा कम्प्युटर सङ्ख्या थप्ने योजना बनाएको छ ।