पिण्डेश्वर विद्यापीठको पूर्वपट्टि विशाल फुटबल मैदान रहेको छ, जहाँ विद्यार्थीहरू फुटबल, क्रिकेट आदि खेल्ने गर्दछन् । साथै विद्यापीठ परिसरमा भलिबल र टेबुल टेनिस खेल्ने सुविधासमेत रहेको छ । यी सबै खेलकुदका सामग्रीहरू विद्यापीठले नियमित रूपमा उपलब्ध गराउने गरेको छ । कोठाभित्र खेलिने खेलका सामग्री समेत विद्यापीठले उपलब्ध गराउने गरेको छ । विद्यापीठले आफ्नै परिसरमा एउटा आधुनिक बास्केटबल कोर्ट निर्माण गर्ने भावी योजना समेत बनाएको छ ।